«Самұрық-Энерго» АҚ инвестициялық қызметінің басымдықтары
«Самұрық-Энерго» АҚ компаниялар тобының инвестициялық қызметінің басымдығы инвестициялардың коммерциялық орындылығы және олардың ұзақ мерзімді құнды құруға, жаңа технологияларды енгізуге және сапалы жұмыс орындарын құруға бағытталуы болып табылады.
Компанияның инвестициялық қызмет саласындағы тәсілі тәуекелдерді тиімді басқару және ұзақ мерзімді тұрақтылықты қалыптастыру үшін инвестициялық шешімдердегі экологиялық, әлеуметтік және басқарушылық ESG Нақтыорларын ескере отырып, жауапты инвестициялау қағидаттарына негізделген.
Біз инвестициялық қызметті басқарудың үздік тәжірибелерін енгіздік:
- жобалар мен іс-шаралар портфелін басқару — жобалар мен іс-шаралардың жиынтық портфеліндегі пайдалы жобалардың үлесін арттыру үшін қаржы ресурстарын бөлуді едәуір жақсартуға мүмкіндік берді;
- жобаларды басқару — инвестициялық жобаларды іске асыру кезеңінде (бюджеттер, мерзімдер) бақылау деңгейін көтереді.
«Самұрық-Энерго» АҚ инвестициялық қызметінің негізгі қағидаттары:
- ESG параметрлерін инвестициялық талдау және шешім қабылдау процесіне енгізу;
- Қазақстан Республикасы заңнамасының сақталуы және құпия ақпаратты тиісінше пайдалану;
- жалпыға бірдей танылған халықаралық немесе ұлттық аудит стандарттарына сәйкес ESG Нақтыорларын қоса алғанда, жылдық есептерді, оның ішінде қаржылық есептерді, тұрақты даму жөніндегі есептерді дайындау;
- тәуекелдерді сәйкестендірудің, бағалаудың және басқарудың ресімделген жүйесінің болуы.
ESG қағидаттарына сәйкес біздің басты артықшылықтарымыз:
- маңызды ESG Нақтыорларын, тиісті әлеуетті міндеттемелерді, шығындарды және қаржылық көрсеткіштерге әсерді және құнды құрудың ықтимал мүмкіндіктерін түсіну арқылы ақпараттандырылған инвестициялық шешімдер;
- беделді немесе заңды тәуекелдерге ұшырауды азайту;
- Қордың және портфельдік компаниялардың ESG қағидаттарына сәйкестігін бағалау және мониторингілеу үшін барабар жүйелердің болуын қамтамасыз ету, қолданылатын ESG талаптарын сақтау және олармен байланысты инвестициялық тәуекелдерді басқару;
- ESG тәуекелдері мен әсер ету дәрежесін талқылау, бағалау және басқару, сондай-ақ мүмкіндіктерді анықтау және пайдалану үшін компаниялармен үздіксіз өзара әрекеттесу үшін негіз қалыптастыру;
- тиісті мүдделі тараптар үшін тиісті ESG Нақтыорларын дұрыс қарау және басқару демонстрациясы.
Талдау қорытындысы бойынша «Самұрық-Энерго» АҚ күрделі жобалардың, оның ішінде Компанияның 2022-2031 жылдарға арналған даму стратегиясына енгізілген «энергияға көшудің жасыл жобаларының» тізбесін қалыптастырды (толығырақ «Самұрық-Энерго» АҚ сайтында: www.samruk-energy.kz).
Инвестициялық бағдарламаларды қаржыландыру компанияның меншікті қаражаты, халықаралық қаржы ұйымдары мен ҚР Екінші деңгейдегі банктерінің қарыздық қаржыландыруы есебінен жүзеге асырылады.
2023 жылы «Самұрық-Энерго» АҚ инвестициялық бағдарламасын игеру әдісі бойынша орындау,
млн теңге (ҚҚС-сыз)*
* Игеру әдісі бойынша бастапқы есепке алу құжаттарымен (орындалған жұмыстардың, көрсетілген қызметтердің актілерімен, материалдардың, жабдықтардың жеткізілуін растайтын тауарлық жүкқұжаттармен және т.б.) тауарларды, жұмыстар мен көрсетілетін қызметтерді қабылдау-беру жөніндегі шот-Нақтыуралармен және бастапқы есепке алу құжаттарымен расталған күрделі шығындар бойынша деректер көрсетіледі. Бұл ретте материалдар Құрылыс-монтаж жұмыстарын орындауға арналған қорлардың құнын есептен шығару сәтінде игеру бойынша көрсетілген. Бұл әдіс аванстық төлемдерді, сондай-ақ негізгі құралдар мен ҰМА-ны қайта бағалау нәтижелерін қамтымайды.
Өндірістік активтерді қолдауға күрделі инвестициялар негізгі және қосалқы жабдықтарды жөндеуге, сондай-ақ электр станциялары жұмысының сенімділігін қамтамасыз ету мақсатында өндірістік сипаттағы негізгі құралдарды сатып алуға бағытталған.
2023 жылы инвестициялық жобаларды іске асыру үшін компания тартқан шетелдік инвестициялар көлемі ҚҚС-пен 3,29 млрд теңгені құрады («Богатырь Көмір» ЖШС үлесін есептемегенде — 50%).
2023 жылы іске асырылған инвестициялық жобалар
1. «Богатырь» разрезінде көмірді өндіру, тасымалдау, орташалау және тиеудің циклдік-ағындық технологиясына көшу» (ЦАТ) жобасы
Жобаның сипаттамасы және мақсаты: Көмірді тиеп-жөнелтудің, ұсақтаудың және тасымалдаудың негізгі тозған құралдарын ауыстыру, сондай-ақ «Богатырь» разрезінің көмірді конвейерлік көлікпен жер бетіне жақын орташаландыру қоймаларына жеткізудің ағынды технологиясына кезең-кезеңімен көшуі, содан кейін оны жер үсті тиеу кешендеріне тиеу кәсіпорынның өндірістік қуатын арттыруға бағытталған.
2023 жылғы нәтижелер:
- Жабдықты жеткізуші Thyssen Krupp AG (Германия) құрылыс алаңына жабдықты толық көлемде 100% жеткізді;
- Құрылыс-монтаж жұмыстары аяқталды;
- Кешенді іске қосу-реттеу жұмыстары орындалды;
- Қазіргі уақытта ЦАТ кешені күн сайын
40-45 мың тонна көмір жөнелтеді;
- 2023 жылдың 19 желтоқсанындағы объектіні пайдалануға қабылдау актісін Павлодар облысы бойынша Екібастұз қаласының «Азаматтарға арналған үкімет» КЕАҚ филиалының тіркеу және жер кадастры жөніндегі бөлімі 2023 жылдың
22 желтоқсанында тіркеді.
2. Алматы облысы Қарасай ауданының «Қаскелең» АТҚ-110кВ ҚС-220кВ қосыла отырып, «Көкөзек» ҚС 110/10кВ құрылыс жобасы»
Жобаның сипаттамасы және мақсаты: «Көкөзек» жаңа 110/10-10кВ ҚС құрылысы еркін трансформаторлық қуат тапшылығын жою мәселесін шұғыл шешуге және «Боралдай» индустриялық аймағында инвестициялық жобаларды іске асыруға бағытталған. Қосалқы станция Қарасай ауданында бос қуат тапшылығы бар индустриялық аймақты электр энергиясымен қамтамасыз етеді. Сонымен қатар, жаңа қосалқы станция шағын және орта бизнес субъектілерін сенімді және тұрақты электрмен жабдықтауға мүмкіндік береді және өңірде қажетті әлеуметтік-мәдени маңызы бар объектілерді салу мүмкіндігін кеңейтеді.
Жобаны іске асыру белгіленген қуаты 106 МВА жаңа тұтынушыларды қосуға мүмкіндік береді.
2023 жылғы нәтижелер:
- АТҚ-110кВ «Көкөзек» ҚС жабдықтарын монтаждау аяқталды;
- 102 ВЛ-110кВ тіректері орнатылды;
- 2023 жылдың 9 қазанында «Көкөзек» ҚС өндіріске енгізілді.
